Пеп Гвардиоланинг «Манчестер Сити» билан амалдаги шартномаси 2025 йилнинг ўрталарига қадар тузилган ва шу сабабли испаниялик мураббийнинг келажаги муҳокама остида қолмоқда. Жума кунги матбуот анжуманида Гвардиола яна бир бор ўзининг аҳволи ҳақидаги саволга жавоб берди.
“Менинг келажагим? Мен қарор қилишим керак. Мен ҳали буни қилганим йўқ. Қачонки қабул қилсам, сизга хабар бераман. Ҳозир ҳеч қандай янгилик йўқ ва қўшадиган ҳеч нарсам йўқ. Мен фақат «Вулверхэмптон»га қарши бўлажак ўйин ҳақида ўйлайман. Келажакда терма жамоа билан ишлашни хоҳлайманми? Ҳа”, - деди Гвардиола журналистларга.
