Бразилиялик собиқ футболчи Дани Алвес қамоқдан чиққанидан сўнг Инстаграм ижтимоий тармоғида ўзининг илк суратини эълон қилди.

Суратда 41 ёшли собиқ ҳимоячи "Яхши вақтлар келмоқда" ёзуви бўлган футболка кийган ҳолда пайдо бўлди.

Эслатиб ўтамиз, Алвес тунги клубда қизга жинсий тажовуз қилгани учун Барселонада 14 ой қамоқда ўтирган эди. 2024 йил март ойи охирида Дани бир миллион евро гаров тўлади ва кейинчалик озод қилинди.

Алвес "Барселона", "ПСЖ", "Ювентус" ва "Севилья"даги ўйинлари билан танилган. Бразилиялик футболчи 43 та совринни қўлга киритган.