“Ан-Наср” ҳужумчиси Криштиану Роналду яна гол урди.
Португалиялик футболчи Саудия Арабистони чемпионатининг “Аш-Шабаб” клубига қарши ўйинда (2:1) 97-дақиқада пеналтини аниқ амалга ошириб, жамоасига ғалаба келтирди.
Жорий мавсумда “Ан-Наср” сафида ўтказилган ўнта ўйиндан тўққизтасида 39 ёшли ҳужумчи голсиз қолгани йўқ. Юлдуз ҳужумчи 13 сентябрь куни бўлиб ўтган ва 1:1 ҳисобида якунланган "Ал-Аҳли" билан учрашувдагина гол ура олмади.
Криштиану Роналду Саудия чемпионати тўпурарлари рўйхатида 6 та гол билан учинчи ўринни эгаллаб турибди. Юқорида “Ал-Иттиҳод”дан Карим Бензема (7) ва “Ал-Ҳилол”дан Александр Митрович (10) бор.
