Суперлигада 21-тур ўйинлари давом эттирилди. "Насаф" жамоаси бу тур ўз майдонида "Сурхон" клубини қабул қилди ва 1:1 ҳисобида дуранг ўйнади. Беллашувдан сўнг жамоа бош мураббийи Рўзиқул Бердиев матбуот анжуманида иштирок этди.
Йирик ҳисобда ғалаба қозонишга етадиган вазият яратдик. Биринчи бўлидмаёқ буни амалга оширишимиз керак эди. Вазиятдан фойдаланмаганимиз учун рақиб бундан фойдаланди. Бугун 2 очко ёқотдик.
Бугунги дурангга Шерзоднинг хатосини сабаб бўлдими?
Биз Шерзод билан гаплашиб олдик. Ҳар қандай ҳолатда футболчи ўзини бундай тутмаслиги керак. Керакли сўзларни айтиб ўтдик. Айрим жойларда ҳакамлар "Насаф"га ёрдам беряпти деб ёзишмоқда. Ваҳоланки, 3 ўйиндан бери қизил карточа сабабли ўйинни бир киши кам бўлиб тугатяпмиз. Бу ҳақида эса ҳеч ким ҳеч ким ёзмаяпти ҳам. Бугун ҳам кам бўлиб ҳам иштиёқ сўнгани йўқ. Шерзоднинг ўзини тутишини биз қоралаймиз. Жамоани оғир аҳволда қолдирди.
Бобурни нега алмаштирдингиз?
Ҳужумчи гол уриши керак. Бобурда 4 га яқин имконият бўлди. Абдухолиқовни майдонда кам бўлиб қолган пайтда захирага олдик. 3 та ҳимоячи схемасига ўтдик.
Иккинчи бўлимда 4 футболчи ўзгартирдингиз ва бу нималарни ўзгартириши керак эди?
Қизил карточа режаларни ўзгартирди. Аслида, режа бошқача эди. Чарчаганларни захирага олиб, ҳужумни кучайтирмоқчи эдик. Афсуски, аввалроқ ҳаракат қилишимиз керак эди.
"Насаф" ўртамиёна жамоалар билан қийналаётгани рақибга паст баҳо берганиданми?
Балки юқори баҳо берганимиздандир. Масалан "Бунёдкор" билан баҳсда 2:0 ҳисобида олдинда бораётган эдик, аммо кейин бўшашдик. Бугун ҳам биринчи голдан кейин бўшашдик. Кучлироқ жамоаларга қарши футболчилар катта куч билан ҳаракат қилади. Биз 2 очко йўқотдик, аммо ҳали-ҳамон етакчимиз. Бу ишни бажаришимизга ишонамиз.
