Пауло Фонсека миланлик футболчилар билан жиддий суҳбатлашганига шама қилди.

Миланликлар устози кийиниш хонасида "Фиорентина" билан ўйинда пеналтидан фойдалана олмаган Тео Эрнандес ва Тэмми Абраҳам билан суҳбатлашди. Кристиан Пулишич асосий пеналти тепувчи этиб тайинланган бўлсада, улар нуқтадан зарба беришди.

"Футболчиларга сиз ўйлаганингиздан ҳам баттар гапларни айтдим. Бу содир бўлган воқеадан кейин нормал ҳолат. Мен муаммоларга кўзларимни юммайман.

Кийиниш хонасида ўйлаганимни юзма-юз айтаман. Агар бизда муаммолар бўлса, ўйинчиларнинг номлари менга қизиқ эмас. Менежментда муҳим нарса муаммо юзага келганда атрофга қарамасликдир. Мен буни тўғридан-тўғри, жамоа ёки хатога йўл қўйган ўйинчилар билан қиламан", – деди мураббий.