«Атлетико» 2025 йилнинг ёзида «Реал» дарвозабони Андрей Лунинни сотиб олиш имкониятини кўриб чиқди.
«Матрасчилар» жамоасининг асосий дарвозабони Ян Облак катта эҳтимол билан мавсум якунланганидан кейин Саудия Арабистони клубларидан бирига ўтади, шу боис жамоа 31 ёшли словениялик футболчига ўринбосар қидиришни бошлади. Аввалроқ, «Атлетико» «Реал» билан шартномаси тугаганидан кейин Андрей Лунинни эркин агент сифатида ўз сафига қўшиб олишни режалаштирганди.
13 сентябрь куни Лунин «Лос-Бланкос» билан келишувни узайтирди ва бу трансферни имконсиз қилди, чунки Мадрид ўз рақибини кучайтиришни истамайди. Шунга қарамай, агар Тибо Куртуа барча учрашувларда асосий таркибда майдонга тушса, Андрей «Реал»ни тарк этиши мумкин.
Жорий мавсумда 25 ёшли украиналик 2 та ўйинда майдонга тушиб, 1 тасида ўз дарвозаси дахлсизлигини сақлаб қолди.
