Эмил Хески "Ливерпул"нинг Муҳаммад Салоҳ билан шартномасини узайтириш имкониятлари ҳақида гапирди.
Мисрлик форварднинг амалдаги шартномаси 2025 йилнинг июнигача мўлжалланган. Виржил ван Дейк ва Трент Александр-Арнолднинг ҳам шартномаси келаси ёзда тугайди.
"Ливерпуль" 7 ўйиндан кейин 18 очко жамғариб, АПЛда биринчи ўринда бормоқда.
"Трент янги шартнома имзолайди. Болалигингиздан бери ўйнаган клуб учун совринлар ютиш футболчи учун жуда кучли иштиёқ беради.
У "Ливерпул"да барча амбицияларини амалга ошириши мумкинлигини билади. Умид қиламанки, у "Ливерпуль" эртагини давом эттиради ва янги шартнома имзолайди.
Салоҳга келсак, ҳаммаси унинг қандай шартномани хоҳлашига боғлиқ. Унинг қандай талаблари бўлишидан қатъи назар, уларни қондириш мумкин, деб ўйлайман.
Агар "Ливерпуль" хоҳлаганида, Саудия Арабистонидан катта таклифлар бўлган ўтган мавсумда уни сотиб юборган бўларди.
Ван Дейк ҳақида ҳам худди шундай фикрдаман. Иккала ўйинчи ҳам клуб ва иш йўналишидан мамнун", - деди “Ливерпул”нинг собиқ футболчиси Эмил Хески.
