"Манчестер Сити" бош мураббийи Пеп Гвардиола ўзининг мотивацияси ҳақида гапирди.
"Шаҳарликлар" бош мураббийининг амалдаги шартномаси мавсум охирида якунига етади. Испаниялик мутахассиснинг келажакда нима қилиши номаълумлигича қолмоқда.
"Мен ишга келишни яхши кўраман! Мен рақибларим, машғулотлар ҳақида ўйлайман ва буларнинг барчаси менга ёқади. Мураббий сифатида ишлашимнинг асосий сабаби ҳам шу. Буни ҳис қилишни тўхтатсам, шунчаки "Манчестер Сити"ни тарк этмайман, балки бу ишни бутунлай тугатаман", - деб ёзади "City Xtra" 2016 йилнинг ёзидан бери ўз лавозимида ишлаб келаётган Гвардиоланинг сўзларини.
