Суперлигада 21-тур ўйинлари давом эттирилди. «Навбаҳор» жамоаси бу тур сафарда «Нефтчи» билан куч синашди ва 2:2 ҳисобида дуранг ўйнади. Беллашувдан сўнг жамоа бош мураббийи Сергей Лушчан матбуот анжуманида иштирок этди.

— Умуман олганда, кутганимиздек рақиб ўзининг энг яхши томонини кўрсатди. Биз деярли бир ярим тайм яхши ўйнадик, аммо стандарт вазиятлардан гол ўтказиб юбордик. Бизнинг жамоада бош билан ўйнайдиган 5-6 та ижрочи бор, аммо ҳар сафар стандарт вазият ҳудди пенальтидек туюлмоқда. Балки, бу психология билан боғлиқдир. Ҳозир йигитлар билан гаплашиб олдим. Уларни нимадир ушлаб турибди. Нимадандир қўрқишгандек. Биз учун биринчи гол киритмаслик афзалдек кўринмоқда. Кейин, тушунарсиз ҳаракатлар қиляпмиз. Гол ўтказгач, ҳотиржамлик билан футбол ўйнашни яна бошлаяпмиз. Барчаси психология билан боғлиқ. Такрор ва такрор айтдик. Голдан кейин чекинмай, ҳужумга ўтиш кераклигини, бироқ битта голдан кейин вазият ўзгармоқда. Натижадан қониқдим. Адолатли ҳисоб бўлди. Кимдир ғалаба қозонганда, тенгсизлик бўлар эди.

— Тезкор ўтказиб юборилган гол таъсир қилдими?

— Тўғриси, биринчи бўлиб гол ургандан кўра, ўтказиб юборганимиз яхшироқдек таассурот қолдирмоқда. Негадир гол ўтказгач, йигитларни елкасидан юк тушиб футбол ҳақида ўйлашни бошлашмоқда. Гол уришимиз билан, яна футболчиларнинг мияси ўчиб қолмоқда ва ҳимояга қайтиб олишяпти. Ҳозирча, бу масалани ҳал қилиш учун менда иқтидор етишмаяпти.