Superligada 21-tur o‘yinlari davom ettirildi. «Navbahor» jamoasi bu tur safarda «Neftchi» bilan kuch sinashdi va 2:2 hisobida durang o‘ynadi. Bellashuvdan so‘ng jamoa bosh murabbiyi Sergey Lushchan matbuot anjumanida ishtirok etdi.

— Umuman olganda, kutganimizdek raqib o‘zining eng yaxshi tomonini ko‘rsatdi. Biz deyarli bir yarim taym yaxshi o‘ynadik, ammo standart vaziyatlardan gol o‘tkazib yubordik. Bizning jamoada bosh bilan o‘ynaydigan 5-6 ta ijrochi bor, ammo har safar standart vaziyat huddi penaltidek tuyulmoqda. Balki, bu psixologiya bilan bog‘liqdir. Hozir yigitlar bilan gaplashib oldim. Ularni nimadir ushlab turibdi. Nimadandir qo‘rqishgandek. Biz uchun birinchi gol kiritmaslik afzaldek ko‘rinmoqda. Keyin, tushunarsiz harakatlar qilyapmiz. Gol o‘tkazgach, hotirjamlik bilan futbol o‘ynashni yana boshlayapmiz. Barchasi psixologiya bilan bog‘liq. Takror va takror aytdik. Goldan keyin chekinmay, hujumga o‘tish kerakligini, biroq bitta goldan keyin vaziyat o‘zgarmoqda. Natijadan qoniqdim. Adolatli hisob bo‘ldi. Kimdir g‘alaba qozonganda, tengsizlik bo‘lar edi.

— Tezkor o‘tkazib yuborilgan gol ta’sir qildimi?

— To‘g‘risi, birinchi bo‘lib gol urgandan ko‘ra, o‘tkazib yuborganimiz yaxshiroqdek taassurot qoldirmoqda. Negadir gol o‘tkazgach, yigitlarni yelkasidan yuk tushib futbol haqida o‘ylashni boshlashmoqda. Gol urishimiz bilan, yana futbolchilarning miyasi o‘chib qolmoqda va himoyaga qaytib olishyapti. Hozircha, bu masalani hal qilish uchun menda iqtidor yetishmayapti.