"Севилья"га қарши ўйин "Барселона" ярим ҳимоячиси Гави учун ўтган йилнинг ноябрь ойидан бери биринчиси бўлди.
5:1 ҳисобида "кўк-анорранглилар"нинг ғалабаси билан якунланган учрашув сўнггида 20 ёшли футболчи захирадан майдонга тушди.
"Мен босқичма-босқич тикландим, бу узоқ жараён эди. Аста-секин ўйин ритмимга қайтишим керак. Менга энг кўп соғинган нарса футбол ўйнаш эди, чунки мен бутун умр шу билан шуғулланганман. Қайтганимдан жуда хурсандман ва барчага самимий қабул учун миннатдорчилик билдираман. Мен бу лаҳзани узоқ вақтдан бери орзу қилардим. Мен ўзимни бахтли ҳис қиляпман", - деди испаниялик футболчи ОАВ вакиллари билан суҳбатда.
