"Интер Майами" МЛСнинг навбатдаги мавсумида ғалаба қозонди ва кейинги ёзда АҚШда 15 июндан 13 июлгача бўлиб ўтадиган янгиланган ФИФА клублар ўртасидаги Жаҳон чемпионатига йўлланмани қўлга киритган сўнгги жамоага айланди. Турнирда 32 та клуб иштирок этади.
"Интер Майами"да Лео Месси, Луис Суарес, Серги Бускетс ва Жорди Алба каби футболчилар бор ва уларни бошқа каталониялик Тата Мартино бошқаради. "Барселона"нинг собиқ юлдузлари Испанияни "Атлетико Мадрид" билан бирга турнирда ҳимоя қиладиган "Реал Мадрид"га яна бир бор рақиб бўлишлари мумкин.
"Интер Майами"нинг клублар ўртасидаги жаҳон чемпионатида иштирок этиши тасдиқланганидан сўнг, яна битта иштирокчи жамоа қолди. 30 ноябрь куни Буэнос-Айресда бўлиб ўтадиган Либертадорес кубоги финалида 32-жамоа аниқ бўлади.
