Тибо Куртуа "Атлетико" мухлисларини ғазаблантирганига ишонмаяпти.

Ла Лиганинг 8-туридан ўрин олган “Атлетико” – “Реал” учрашуви (1:1) “матрасчилар” мухлислари Куртуага қарата буюмлар отишни бошлаганидан сўнг тўхтатилган эди.

Ўйиндан кейинги матбуот анжуманида "Атлетико Мадрид" бош мураббийи Диего Симеоне шундай деди: "Тибо одамларни ғазаблантирди ва кулиб юборди. Провокаторлар ҳам жазоланиши керак".

"Мен Симеоненинг фикрини ҳурмат қиламан, лекин бунга қўшилмайман. Бизда провокация нима эканлиги ҳақида турли фикрлар бор, лекин расмийлар аллақачон қарор қабул қилган ва мен бу ҳақда бошқа гапиришни истамайман.

Стадионда зўравонлик бўлмаслиги муҳим. Белгияда мен айнан шундай маданиятни кўрдим. Ўз жамоасини қўллаб-қувватлаб, рақобат муҳитини яратаётганлар билан муаммом йўқ.

Баъзида футболчи ва мухлислар ўртасида ўйинга ўхшаш нарса бўлади. Менга қарата айтилаётган қўшиқлар билан ҳеч қандай муаммом йўқ, агар гол урсак, уларга кулиб жавоб бера оламан”, деди “Реал” дарвозабони.