Tibo Kurtua "Atletiko" muxlislarini g‘azablantirganiga ishonmayapti.
La Liganing 8-turidan o‘rin olgan “Atletiko” – “Real” uchrashuvi (1:1) “matraschilar” muxlislari Kurtuaga qarata buyumlar otishni boshlaganidan so‘ng to‘xtatilgan edi.
O‘yindan keyingi matbuot anjumanida "Atletiko Madrid" bosh murabbiyi Diyego Simeone shunday dedi: "Tibo odamlarni g‘azablantirdi va kulib yubordi. Provokatorlar ham jazolanishi kerak".
"Men Simeonening fikrini hurmat qilaman, lekin bunga qo‘shilmayman. Bizda provokasiya nima ekanligi haqida turli fikrlar bor, lekin rasmiylar allaqachon qaror qabul qilgan va men bu haqda boshqa gapirishni istamayman.
Stadionda zo‘ravonlik bo‘lmasligi muhim. Belgiyada men aynan shunday madaniyatni ko‘rdim. O‘z jamoasini qo‘llab-quvvatlab, raqobat muhitini yaratayotganlar bilan muammom yo‘q.
Ba’zida futbolchi va muxlislar o‘rtasida o‘yinga o‘xshash narsa bo‘ladi. Menga qarata aytilayotgan qo‘shiqlar bilan hech qanday muammom yo‘q, agar gol ursak, ularga kulib javob bera olaman”, dedi “Real” darvozaboni.
