"Шахтёр" бош мураббийи Марино Пушич "Арсенал" билан Чемпионлар лигаси ўйини олдидан жамоанинг қийин йўли ҳақида гапирди.
“Мен буни муаммо деб ҳам айтмаган бўлардим. Умуман олганда, афсуски, биз доим меҳмонда ўйнаймиз. Ҳа, бизнинг саёҳатимиз 13 соат давом этди ва бу жуда қийин саёҳат эди. Бу жуда кўп вақт ва куч талаб қилади.
Лекин, шу билан бирга, биз жуда мотивацияланганмиз ва психологик жиҳатдан яхши тайёрланамиз. Мен буни сизга шикоят қилиш учун айтмаяпман. Бу биз ҳар сафар дуч келадиган нарса. Балки биз шундай шароитда бу даражадаги ягона клубдирмиз. Албатта, бу ҳолатимизни қийинлаштирмоқда, лекин биз бу ерга арз қилиш учун эмас, рақобат қилиш учун келганмиз", - деди Пушич ўйин олдидан ўтказилган матбуот анжуманида.
