Германиянинг "Штутгарт" клуби қанот ҳужумчиси Жейми Левелинг фаолиятини Англия Премьер-лигасида давом эттириши мумкин.
Флориан Платтенбергнинг хабарига кўра, 23 ёшли футболчининг швабияликлар билан шартномасида 20-25 миллион еврога сотиб олиш банди мавжуд. Форвардга Англиядан қизиқиш бор.
Левелинг жорий мавсумда жами 11 та ўйинда 1 та гол уриб, 2 та голли узатма берди.