"Реал"нинг собиқ футболчиси Карим Бензема собиқ жамоадоши Винисиус Жуниорнинг муваффақиятини нишонлади.
Бразилиялик форвард Чемпионлар лигаси доирасида Дортмунднинг "Боруссия"сига қарши ўйинда хет-трик қайд этди.
"Олтин тўп", - деб ёзди Бензема Винисиуснинг ижтимоий тармоқлардаги постига изоҳларда.
Айнан "Лос-Бланкос"нинг 24 ёшли ҳужумчиси индивидуал соврин учун асосий даъвогар саналади. "Олтин тўп" соҳиби 28 октябрь куни аниқланади.