2027 йилда Чемпионлар лигаси финали "Сан-Сиро"да бўлиб ўтиши керак эди. Бироқ, бу финал ўтган ой эълон қилинганидек, Милан стадионидан олиб қўйилди. УЕФА бундай қарорни ўйин вақтида стадион ва унинг атрофидаги реконструкция жараёнига таъсир қилмаслигига кафолат йўқлиги сабабли қабул қилган.

"Сан-Сиро" бўйича қарор қабул қилингандан сўнг, Боку ва Мадрид ўйинни ўтказиш учун аризаларни топширишди. Бу ҳақда УЕФА хабар бермоқда. Кўринишидан, 2026/2027 йилги мавсумда қитъанинг асосий клублар турнири финали ана шу шаҳарлардан бирида бўлиб ўтади.

Эслатиб ўтамиз, Боку ҳали Чемпионлар лигаси финалини ўтказмаган.