"Фенербахче" - "Манчестер Юнайтед" учрашувида Антони майдондан замбилда олиб кетилди.
Бразилия терма жамоасининг 24 ёшли ярим ҳимоячиси Европа лигаси умумий босқичи 3-тур учрашувида (1:1) 73-дақиқада захирадан майдонга тушди.
87-дақиқада Антони бошқа ўйнай олмаслигини ва уни алмаштириш кераклигини кўрсатди. Кейин чап оёғини ушлаб, майдонга ётди ва йиғлай бошлади. Бразилиялик футболчининг жамоадошлари уни олқишлашди.
89-дақиқада Антони майдондан замбилда олиб кетилди. Унинг ўрнига Амад Диалло ўйинга кирди.
Бу Антони учун мавсумдаги 5-учрашуви бўлди, у 1 та гол урди.
