"Реал Мадрид" "Олтин тўп" Винисиус Жуниорга насиб этишига ишонмоқда.
Мукофот душанба куни топширилади. Айнан бразилиялик асосий даъвогар саналади ва "қироллик клуби" аллақачон совринни топшириш вақтини кутмоқда. Журналист Хосе Феликс Диаснинг ёзишича, жамоа ўйинчиларидан ҳеч бири маросимни ўтказиб юборишни истамаяпти, шунингдек, "Лос-Бланкос" бош мураббийи Карло Анчелотти ва клуб президенти Флорентино Перес ҳам Парижга боради. Жароҳатланган Даниэл Карвахал ҳам пайдо бўлиши мумкин, аммо у ҳали шифокорлардан рухсат олмаган.
"Реал"да ҳамма Винисиусни қўллаб-қувватлашни ва унинг шахсан мукофотни олишини кўришни истайди, гарчи ҳужумчининг ғалабаси ҳали ишончли тасдиқланмаган бўлса ҳам.
