"Арсенал" бош мураббийи Микель Артета "Ливерпул"га қарши бўлиб ўтадиган АПЛ ўйини ҳақида фикр билдирди.
"Чемпионлар лигаси ўйинидан кейин бир кун дам олдик ва ўйинга тайёргарлик кўриш учун икки кун вақтимиз бор эди. Бу катта ўйин, катта имконият. Эмирейтсда бундай ўйинларни яхши кўрамиз. Жамоа буни интиқлик билан кутмоқда.
Бундай катта ўйинда бизнинг ишончимиз, кучимиз ва фидойилигимиз керак. Арне Слот "Ливерпул"да ажойиб иш бошлади. Ҳозир улар яхши формада ва пешқадам. "Ливерпуль" тўққиз йилдан бери энг юқори савияда рақобатлашмоқда", деди Артета матбуот анжуманида.
