Мадриднинг «Реал» клуби бош мураббийи Жозе Моуриньо «Эспаньол»га қарши учрашувдан кейин (1:1) «Барселона»ни чемпионлик унвони билан табриклаб ўтди.
«Дастлаб, «Барселона» клубини, раҳбариятини чемпионлик билан табрикламоқчиман. Улар шу кунга қадар бизга тегишли бўлиб келган совринни қўлга киритишди ва биз уларни табриклашимиз лозим».
«Вараннинг жароҳати борасида олдиндан бир нарса демоқчи эмасман. Аммо ўйлашимча, жароҳат ростан ҳам жиддий. У Испания кубоги финалида майдонга тушади. Чемпионатнинг бошқа учрашувларидан ҳам у рўйхатдан чиқди. Аммо бизда унинг ўрнига тушиш мумкин бўлган футболчилар бор. Албатта уни йўқотганимиз яхши иш бўлмади, аммо бундан фожеа ясаш шарт эмас».
«Пепени рўйхатга киритмаслик менинг қарорим. Мен бош мураббийман. Ҳеч кимга бу вазият учун ўзимни оқлаб кўрсатмоқчи эмасман. Мен баъзида вазиятнинг бутунлай ичигача кириб, икир-чикиригача ҳал қилишни хоҳлайман, баъзида эса йўқ. Буни мен ҳал қиламан», дейди Моуриньо.