"Манчестер Юнайтед" "Манчестер Сити"дан Алехандро Гарначо ва Кобби Майнуни "Олтин тўп"ни топшириш маросими учун Парижга ўзлари билан бирга олиб кетишларини сўради. Бу ҳақда Daily Mail хабар бермоқда.
Манба берган хабарга кўра, "қизил иблислар" бу сўровни клуб ҳозирда харажатларни оптималлаштириш босқичида тургани билан изоҳлади.
Таъкидланишича, "Манчестер Сити" ўз самолётида ўриндиқлар қолмагани учун "Манчестер Юнайтед"нинг бу илтимосини рад этган.
Эслатиб ўтамиз, Гарначо ва Майну энг яхши ёш футболчи совринига даъвогарлар рўйхатига киритилган эди.
