"Манчестер Сити"нинг ҳужумкор ярим ҳимоячиси Бернарду Силва "Саутгемптон"га қарши ўйиндан сўнг фикр билдирди.
Англия премьер-лигасининг 9-турида “Манчестер Сити” ўз майдонида “Саутгемптон”ни қабул қилиб, минимал 1:0 ҳисобида ғалаба қозонди.
Ушбу ўйиндан сўнг "шаҳарликлар" лигада пешқадамлик қилишмоқда, "авлиёлар" эса турнир жадвалининг қуйи қисмида жойлашган.
"Биз Премьер-лиганинг барча жамоаларини ҳурмат қиламиз.
Мен бу мавсумда "Саутгемптон"нинг бир нечта ўйинларини томоша қилдим ва бу жамоа ҳозиргидан кўра кўпроқ очкога лойиқ деб ўйлайман", - дея Силванинг сўзларини келтирмоқда City Xtra.
