Энг енгил вазн тоифасида амалдаги UFC чемпиони, испаниялик Илия Топурия Испания Ла лигасининг 11-турида “Барселона”га қарши кечган “эл-класико”да “Реал”нинг даҳшатли мағлубияти (0:4) ҳақида гапирди.
Эслатиб ўтамиз, грузин-испаниялик жангчи "Лос-Бланкос"нинг мухлиси ҳисобланади.
"Реал Мадрид"нинг 0:4 ҳисобидаги мағлубияти? Ҳечқиси йўқ... Нима бўлганда ҳам, олдинга “Реал Мадрид” билан бораверинг", деди Топурия матбуот анжуманида.
Эслатиб ўтамиз, Топурия Абу-Даби (Бирлашган Араб Амирликлари) шаҳрида бўлиб ўтган UFC 308 турнирида қатнашгани, унда чемпионлик учун курашда америкалик Макс Холлоуэй билан жанг қилгани учун ўйинни томоша қила олмаган эди.
Жанг учинчи раундда испанияликнинг нокаут эвазига ғалаба қозониши билан якунланди.
