Антонио Конте "Наполи"нинг "Лечче" устидан қозонилган ғалабасидан (1:0) сўнг ўз фикрлари билан ўртоқлашди.
"Жамоани айблаш қийин. Биз 65% вақтда тўпга эга бўлдик ва 24 та зарбани амалга оширдик. "Лечче" яхши ҳимояланди, лекин биз ҳужум қилдик.
Ҳужум қилиб, гол уролмасанг, бироз асабийлашасан. Йигитларнинг асаби бироз таранг эди, аммо муваффақиятга эришиш учун энг мақбул дақиқани кутиш керак. Биз жуда уюшқоқ бўлган "Лечче" устидан қозонилган ғалабадан хурсандмиз.
Ҳозир барча фикрлар "Милан" ҳақида. Бу муҳим синов, биз жиддий жамоа билан учрашамиз. Биз бу ўйинга тўғри формада яқинлашяпмиз.
Биз керакли очколарни қўлга киритдик. "Сан-Сиро" - бу осон ғалаба қозониладиган жой эмас", - деди "Наполи" бош мураббийи.
