"Барселона" марказий ҳужумчиси Роберт Левандовски жамоа бош мураббийи Ханс-Дитер Фликнинг фаолияти ҳақида гапирди. Бир кун аввал “кўк-анорранглилар” сафарда “Реал”ни 4:0 ҳисобида мағлуб этишди.
"Флик ажойиб иш қиляпти. Нафақат менга, балки жамоадаги бошқа футболчиларга ҳам. Унинг қўл остида ҳар бир футболчи ўзини қулай ҳис қилади. Буни “Реал” билан учрашувда исботладик. Биз бир-биримизни сўзсиз тушунамиз", - дейди полшалик тўпурар.
Мадриддаги йирик ғалабадан сўнг “кўк-анорранглилар” “қаймоқранглилар”дан очколар фарқини олтитага етказди.
