«РБ Лейпциг» вингери Хави Симонс 26 октябрь куни Мюнхендаги клиникалардан бирида операция қилинди.
21 ёшли нидерландиялик футболчи Чемпионлар лигасининг 3-тури доирасидаги «Ливерпуль»га қарши учрашувда (0:1) жароҳат олди. У 78-дақиқада алмаштирилди.
Немис клубининг хабар беришича, Симонс 26 октябрь куни Мюнхенда тўпиғи бўғимидан жароҳат олгани учун кичик жарроҳлик амалиётини ўтказган.
Футболчининг тикланиш даври бир неча ҳафта давом этади.
Хави жорий мавсумда 11 та ўйинда 3 та гол урди ва 3 та голли узатмани амалга оширди.
