"Катта Дубулға" турнирларининг тўрт карра ғолиби, дунёнинг иккинчи ракеткаси, испаниялик теннисчи Карлос Алькарас "Олтин тўп" тақдимоти билан боғлиқ вазият ҳақида гапирди.
Узоқ вақт давомида бу совринга асосий даъвогар "Реал Мадрид"нинг бразилиялик вингери Винисиус Жуниор бўлиб келганди. Бироқ бугун Алькараснинг ҳамюрти, "Манчестер Сити" футболчиси Родри "Олтин тўп" учун овоз беришда пешқадамга айлангани маълум бўлди.
"Винисиус ғалаба қозонгандек туюлганди ва энди Родри ғалаба қозонади. Улар иккита ажойиб спортчи ва улар ўтказган ақл бовар қилмайдиган йил учун бунга лойиқдир. Мен иккаласи билан ҳам яхши муносабатдаман ва ким ғалаба қозонса, мен жуда хурсандман", - деди Алькарас Mundo Deportivo билан суҳбатда.
