"Манчестер Юнайтед"дан четлатилганидан бир неча соат ўтгач, Эрик Тен Хаг уйига - Нидерландияга учиб кетди.
Тен Хаг душанба куни эрталаб "Манчестер Юнайтед"нинг Каррингтон машғулот майдонига етиб келди, у ерда Эрикка клуб энди унинг хизматларига муҳтож эмаслигини айтишди.
Тен Хаг фақатгина "МЮ" ходимлари билан хайрлаша олди, лекин ўтган кунги "Вест Хэм"дан 2:1 ҳисобида учралган мағлубиятдан кейин бир кун дам олган футболчилар билан эмас.
Daily Mail нашрининг ёзишича, ишдан бўшатилгандан сўнг Тен Хаг зудлик билан Манчестер аэропортига йўл олган ва папарассилардан қора "Мерседес"нинг орқа ўриндиғида яширинган.
Тен Хаг Манчестердан Амстердамга шахсий самолётда икки соатдан ортиқ кечикиш билан учиб кетди.
Манбанинг қўшимча қилишича, саёҳат режалаштирилмаган - Тен Хаг клуб қароридан фақат эрталаб бош ижрочи директор Омар Беррада ва спорт директори Дэн Эшуортни ўз қабулига чақирганида билган.
