Суперлигада 22-тур ўйинлари давом эттирилди. Олмалиқнинг ОКМК клуби бу тур ўз майдонида "Нефтчи"ни қабул қилди ва 1:2 ҳисобида имкониятни бой берди. Беллашувдан сўнг жамоа бош мураббийи Миржалол Қосимов матбуот анжуманида иштирок этди.
Яхши ўйин кўрдик. Оғир баҳс бўлишини кутган эдик. Биринчи бўлимдаги стандарт вазиятдан ўтказилган гол салбий таъсир қилди. Кейин шошқалоқлик қилдик. Илк таймнинг ўзидаёқ иккита вазиятга эга бўлган эдик, аммо фойдалана олмадик. Футболда гол урмай ютиш қийин. Бугун "Нефтчи" хақли томондан енгди. Жамоам 95-дақиқага қадар курашди. Эътиборимизни кейинги учрашувга қаратамиз.
Таркиб бўйича танловда хато қилдик деб ўйлайсизми?
Ҳеч қачон ҳаммани кўнглини бирдек олиб бўлмайди. Саволлар кўпаяверади ҳар қандай ҳолатда ҳам. Биз биринчи бўлимда ҳам яхши ўйнадик. Шошқалоқлик қилиб оддий вазиятларда тўп йўқотдик. Танаффуснинг ўзида иккита футболчини алмаштирдик. Агар Ботирали жамоасини қутқармаганида, ҳаммаси бошқача бўлиши мумкин эди.
