Superligada 22-tur o‘yinlari davom ettirildi. Olmaliqning OKMK klubi bu tur o‘z maydonida "Neftchi"ni qabul qildi va 1:2 hisobida imkoniyatni boy berdi. Bellashuvdan so‘ng jamoa bosh murabbiyi Mirjalol Qosimov matbuot anjumanida ishtirok etdi.

Yaxshi o‘yin ko‘rdik. Og‘ir bahs bo‘lishini kutgan edik. Birinchi bo‘limdagi standart vaziyatdan o‘tkazilgan gol salbiy ta’sir qildi. Keyin shoshqaloqlik qildik. Ilk taymning o‘zidayoq ikkita vaziyatga ega bo‘lgan edik, ammo foydalana olmadik. Futbolda gol urmay yutish qiyin. Bugun "Neftchi" xaqli tomondan yengdi. Jamoam 95-daqiqaga qadar kurashdi. E’tiborimizni keyingi uchrashuvga qaratamiz.

Tarkib bo‘yicha tanlovda xato qildik deb o‘ylaysizmi?

Hech qachon hammani ko‘nglini birdek olib bo‘lmaydi. Savollar ko‘payaveradi har qanday holatda ham. Biz birinchi bo‘limda ham yaxshi o‘ynadik. Shoshqaloqlik qilib oddiy vaziyatlarda to‘p yo‘qotdik. Tanaffusning o‘zida ikkita futbolchini almashtirdik. Agar Botirali jamoasini qutqarmaganida, hammasi boshqacha bo‘lishi mumkin edi.