Миланнинг “Интер” клуби жамоанинг икки асосий ҳимоячиси Франческо Ачерби ва Маттео Дармиан билан шартномани 2026 йилнинг ёзига қадар узайтирди.
Бу ҳақда Calciomercato нашри хабар бермоқда.
Қизиғи, "Интер" икки нафар фахрий билан янги шартнома имзолангани ҳақида расман хабар бермади. Италия жамоаси ҳимоячилари билан шартнома узайтирилганидан клубнинг яқинда эълон қилинган ўтган мавсум учун молиявий ҳисоботи далолат беради.
Дармиан “Интер” сафида 2020 йилнинг ёзидан буён ўйнамоқда. Ачерби 2022 йилдан бери амалдаги Италия чемпионларининг шарафини ҳимоя қилиб келмоқда.
Эслатиб ўтамиз, 19 октябрь, якшанба куни “Интер” А Сериянинг 9-тури марказий учрашувида “Ювентус” билан ўз майдонида 4:4 ҳисобида дуранг ўйнади. Ҳозирча Симоне Индзаги шогирдлари Италия чемпионати турнир жадвалида “Наполи”дан 4 очко ортда қолиб, иккинчи ўринда бормоқда.
