1999 йилги "Олтин тўп" соҳиби Ривалдо ўзининг ҳамюрти "Реал Мадрид" футболчиси Винисиус Жуниорнинг бу йил совринни қўлга кирита олмаганидан ҳайратда қолганини тан олди.
Бу ҳақда "Барселона"нинг собиқ футболчиси ўзининг "Инстаграм" саҳифасида ёзди.
"Мен Винисиус мукофотни қўлга кирита олмайди деб ўйлай ҳам олмадим. Менимча, у энг зўр ва ғалаба қозониши керак эди. Одамлар қандай мезонларга кўра овоз беришини тушунмаяпман. Умид қиламанки, Винисиус ФИФА совринини қўлга киритади.
Лекин Родрини ғалабаси билан табриклайман. Мен унинг футболига ишқибозман ва уни ажойиб футболчи деб биламан", - деб ёзди Ривалдо.
