"Sky Sport" журналисти Флориан Плеттенберг хабарига кўра, «Бавария» ҳужумчиси Матис Тель қишки трансфер ойнасида ижарага берилиши мумкин.
Манбанинг хабарига кўра, Мюнхен клуби унинг ўйин вақтини таъминлаш учун муайян шартлар остида бу вариантни кўриб чиқиши мумкин.
Ҳозирча якуний қарор йўқ.
19 ёшли франциялик футболчи ижарага кетмаслик учун ўзини кўрсатиш ниятида. «Вердер» ва бошқа бир қанча Бундеслига клублари сўнгги бир неча ой ичида унинг номзоди бўйича суриштирув ўтказишди.
Жорий мавсумда Тель 6 та ўйинда иштирок этди.
