Пеп Гвардиола Родрини "Олтин тўп"ни қўлга киритгани билан табриклади.
"Биринчидан, мен уни ва унинг барча оила аъзолари ва дўстларини табрикламоқчиман – бу унинг учун ҳам, барчамиз учун ҳам ақл бовар қилмайдиган янгилик.
"Манчестер Сити" мухлислари ва барчамиз у билан фахрланамиз. Бундан бир неча йил аввал футболчиларимиздан бирортаси ушбу нуфузли совринни олишини тасаввур ҳам қилмаган эдик.
Биз у билан буни баҳам кўришдан жуда мамнунмиз ва умид қиламизки, бу унга кейинги мавсумда яхши тикланиши ва яна биз билан бирга бўлиши учун куч беради", - деди "Манчестер Сити" бош мураббийи.
