- Ўйин ҳақида
- "Машъал" га бефарқ бўлмаган барчани Суперлига билан табриклайман. Ўйинга келсак, оғир баҳс бўлиш аниқ эди, чунки бу дерби. Рақиб учун бу ўйин жуда муҳим эди, шу сабаб ҳам улардан кучли қаршилик кутгандик. Биринчи бўлимда бироз суст ҳаракат қилдик. Иккинчи таймда эса яхши ҳаракат қилиб, гол киритдик. Бутун жамоага бугунги ғалаба учун миннатдорчилик билдириб қоламан.
- "Машъал"нинг сўнгги ўйинларида ВАР мунтазам ишламоқда. Бу ҳақда фикрингиз?
- Раҳбариятимиз охирги ўйинларимизга ВАР техникасини жалб қилиш бўйича барча ҳаракатни қилмоқда. Биз ҳалол ўйин тарафдоримиз. Ким кучли бўлса ўша ғалаба қозонишимиз керак. Ушбу мақсад йўлида раҳбариятимиз ВАР билан боғлиқ барча харажатларни қопламоқда. Бу нарса бизга бироз босим ҳам юклайди. Чунки бизга барча харажатлар қоплаб бериляпти, бу ҳолатда ғалаба қозонишимиз шарт. Иккита ўйиндан бери ВАР бор ўйинда ғалаба қиляпмиз.
- ВАР харажат талаб этади демоқдасиз. Шунга сал тушунтириш берсангиз...
- Қанчалигини билмайман, лекин рахбариятимиз бу суммани тўлаб беришяпти. Биз ҳам ўйиндан бир неча кун олдин бу янгиликдан хабардор бўлиб, ўйинга эҳтиёткорлик билан тайёрланяпмиз.
- Биринчи бўлимда ташаббус бироз бой берилди. Режангиз шундан иборат эдими?
- Йўқ, бу "Шўртан"нинг босимига боғлиқ. 15-20 дақиқа давомиди рақиб босим қилди, биз буни енгиб ўтишга бироз қийналдик. Иккинчи бўлимда эса барчаси жойига тушди.
- "Шўртан" гол ўтказиш бўйича Про лиганинг энг ёмон натижаларидан бирини қайд этмоқда. Лекин "Машъал" ҳар сафар "Шўртан"га қарши гол уришга қийналмоқда. Бунга сабаб нима?
- Биринчи навбатда бу дербида тактика, схемалар иккинчи планга тушиб қўлмоқда. Чунки бу ўйинда футболчилар бир-бирларини аяшмайди. Бу ҳолатда рақибга ҳам, бизга ҳам голли имконият яратиш қийин. Дерби ўз номи билан айтганди дерби. Кўп гол бўлиши амримаҳол.
- Суперлигага чиқдингиз. Таркиб кучайтириладими?
- Ҳа, биз "Шўртан"га қарши ўйинда қийналяпмизми, демак Суперлигада бунданда қийин бўлади. Шундай экан, таркиб кучайтирилиши керак.
