Италия чемпионатида ўнинчи тур ўйинлари бошланди, “Милан” ўз майдонида “Наполи”ни қабул қилди ва 0:2 ҳисобида мағлуб бўлди.
Неапол клуби президенти Аурелио де Лаурентис ўйиндаги бу натижадан жуда хурсанд бўлиб, у Миландаги ғалаба ҳеч қачон аҳамиятсиз бўлмаслигини айтди.
"Ҳаммага яхши! Миландаги ғалабалар ҳеч қачон аҳамиятсиз эмас! Форза “Наполи”!", деб ёзди клуб президенти ижтимоий тармоқларда.
Италия А Сериясининг навбатдаги турида турнир жадвалида пешқадамлик қилаётган “Наполи” ўз майдонида “Аталанта”га қарши баҳс олиб боради.
