"Наполи" бош мураббийи Антонио Конте "Тоттенхэм"даги вақтини эслади. Италиялик 2021 йилнинг ноябридан 2023 йилнинг мартигача "шпорлар"ни бошқарган, шундан сўнг у ўз лавозимини тарк этишга қарор қилган. Шу йилнинг ёзида мутахассис “Наполи” билан шартнома имзолади.
"Ўйлашимча, ҳатто "Тоттенхэм"даги ишимни ҳам муваффақиятли деб аташ мумкин. Мен келганимда жамоа Премер-лигада тўққизинчи ўринда эди, аммо биз Чемпионлар лигасига чиқишга муваффақ бўлдик. Кўриб турганимдек, мен кетганимдан кейин “Тоттенхэм” бунга эриша олмади. Мен шахсий сабабларга кўра жамоани тўртинчи ўринда қолдириб кетдим. Ўша мавсумда улар саккизинчи ўринни эгалладилар", - дейди Конте.
“Наполи” ҳозир А Серияда “Интер”дан 7 очко олдинда бормоқда.
