Бразилиялик футболчи Марта "Олтин тўп" учун овоз бериш натижаларидан норози.
Парижда бўлиб ўтган маросимда "Манчестер Сити" ярим ҳимоячиси Родри йилнинг энг яхши футболчиси совринини олди. Иккинчи ўринда "Реал Мадрид" вингери Винисиус Жуниор бўлди.
Маросим бошланишидан бир неча соат олдин, “Олтин тўп” Винисиусга эмас, Родрига насиб этиши ҳақида маълумот пайдо бўлганидан сўнг, Марта овоз бериш натижаларига эмоционал муносабатда бўлган видеони ижтимоий тармоққа жойлади.
"Мен бир йил давомида Винисиусни замонамизнинг энг яхши футболчиси сифатида тан олишини кутдим. Энди эса унга “Олтин тўп” берилмайди, дейишди. Бу "Олтин тўп"ми ўзи нима? Йўқ, йўқ, йўқ!" – деди Бразилия терма жамоаси футболчиси.
