"Реал" Мадрид "Олтин тўп" топшириш маросимини бойкот қилди. Ушбу маросимда "Манчестер Сити" ярим ҳимоячиси Родрини нуфузли мукофот билан тақдирлашди. Мадрид клуби УЕФА ва шахсан ташкилот президенти Александр Чеферинни айблаётгани ҳақида маълумотлар тарқалди. Гўёки, УЕФА Суперлига туфайли "Олтин тўп"ни Винисиус Жуниор ёки Дани Карвахаль эмас, балки бошқа футболчи қўлга киритиши учун ҳаракат қилган эмиш. УЕФА "қаймоқранглилар"нинг бу даъволарига жавоб берди.

"Агар "Реал" шундай гапларни айтса, бу улар ҳақида ҳамма нарсани гапиради. Бундай вазиятда, бизнинг томонимиздан изоҳлар беришга ҳожат йўқ," - дея УЕФА юқори лавозимдаги манбасининг баёнотини келтиради Relevo.