Рональд Араухо ноябрдаги танаффусдан сўнг «Берселона» сафида ўйнаши мумкин.

«Барселона» ҳимоячиси Уругвай терма жамоаси таркибида Америка кубоги чорак финалида Бразилияга қарши ўйинда (пенальтилар сериясида 0:0, 4:2) ўнг сонидан жароҳат олди.

"Marca" хабарига кўра, ҳимоячи жароҳатдан тикланишнинг якуний босқичига кирмоқда. Дастлаб у фақат январь ойининг бошида қайтиши кутилганди, аммо режалаштирилган муддат сезиларли даражада қисқартирилди.

Уругвайлик тез орада умумий гуруҳда машғулотларни бошлаши керак. Агар ҳаммаси режадагидек кетса ва бошқа муаммо юзага чиқмаса, унинг майдонга қайтиши 23 ноябрь куни «Сельта Виго»га қарши ўйинда бўлиб ўтиши мумкин.

«Барселона»нинг техник штаб-квартираси футболчининг соғлиғини хавф остига қўйиш ниятида эмас. Бош мураббий Ханси Флик қайта тикланиш хавфини истамайди, шунинг учун у аввалроқ Ансу Фати, Френки де Йонг ва Гави билан бўлгани каби Араухони ҳам аста-секин таркибга қайтаради.

Шу билан бирга, улар ҳимоя марказида рақобатбардошликни ошириш ва мавсум бошидан буён деярли барча ўйинларда майдонга тушган Пау Кубарси ва Иньиго Мартинеснинг дам олишини таъминлаш мақсадида ҳимоячининг яқин орада қайтишига умид қилишмоқда.