"Реал", "Интер" ва Нидерландия терма жамоасининг собиқ ярим ҳимоячиси Уэсли Снейдернинг фикрича, 2010 йил охирида "Олтин тўп"ни унга беришлари керак эди.
“2010 йилда “Олтин тўп” берилмагани мен учун ўғирлик. Лекин ростини айтсам, 14 йил ўтиб ҳам одамлар бу ҳақда гапираётганидан хурсандман. Ва улар менга: "Уэс, сенинг 2010 йилдаги ғалабангни ўғирлашган", дейди", - дея Снейдернинг сўзларини келтиради Football Talk.
Эслатиб ўтамиз, 2009/2010 йилги мавсумда Снейдер ўшанда ўйнаган “Интер” билан А Серия, Италия кубоги ва Чемпионлар лигасида ғолиб чиққан, Нидерландия терма жамоаси эса ЖЧ-2010 финалига чиққан.
