Франциянинг “Пари Сен-Жермен” клуби ўз мухлисини жамоанинг ҳужумкор ярим ҳимоячиси Ли Кан Инга нисбатан айтган сўзлари учун дисквалификация қилди.
"ПСЖ" ирқчиликнинг ҳеч қандай кўринишига тоқат қилмайди. Ли Канг Ин билан содир бўлган воқеага алоқадор мухлис фан-клубдан бутунлай чиқариб юборилди", — дейилади клуб ижтимоий тармоқдаги расмий баёнотида.
Воқеа "ПСЖ"нинг "Марсел"га қарши ўйин олдидан машғулот вақтида содир бўлган. Мухлис Париж клуби футболчилари билан саломлашди ва жанубий кореялик футболчи Ли Кан Ин майдонга киргач: "Олдинга, хитойлик", деб бақирди.
