Хави 15 ёшида Ламин Ямални "Барселона"да қолишга кўндирган.
Ўшанда каталонияликлар қанот вингерини трансфер қилиш учун "ПСЖ"дан таклиф олганди. Клуб ўз тарбияланувчиси 16 ёшга тўлганида клубни бепул тарк этишидан қўрқишган.
Mundo Deportivo хабарига кўра, ўша пайтда "Барселона"ни бошқарган Хави Ямал билан суҳбатлашишни хоҳлаган. У ёш футболчига асосий жамоада ўйнашга рухсат беришини айтди. Бунинг эвазига футболчи клубда қолиши керак эди.
Натижада, иккаласи ҳам ўз ваъдаларини бажаришди. Ламин 2023 йил апрель ойида 15 ёшу 9 ойлигида асосий жамоада дебют қилган ва 16 ёшида "Барселона" билан илк профессионал шартномасини имзолаган.
