Энцо Мареска Рубен Аморимнинг "Манчестер Юнайтед" бош мураббийи этиб тайинланиши ҳақида гапирди.

Янги бош мураббий жамоага 11 ноябрь, душанба куни келиб қўшилади. Руд ван Нистелрой шу вақтгача "Юнайтед"ни бошқаришда давом этади.

"Унга энг яхши тилаклар. Агар масъуллар бу қарорни қабул қилишган бўлса, бу фақат улар буни тўғри деб билишган. Унга ва "Манчестер Юнайтед"га энг яхши тилаклар.

Мен Руд билан гаплашмадим. Якшанба куни ўйиндан олдин уни қаттиқ қучоқлайман. У ажойиб йигит, камтар, жуда профессионал. У ўйинчилик фаолиятини якунлаётган пайтда у билан бир жамоада эдим, лекин ўшанда ҳам унинг қанчалик яхши эканини кўриш мумкин эди", деди “Челси” бош мураббийи.

Эслатиб ўтамиз, Энцо Мареска ва Руд ван Нистелрой 2011/12 йилги мавсумда "Малага"да бирга ўйнашган.