"Фиорентина" яна ғалаба қозонди ва ўз дарвозасидан гол ўтказиб юбормади. Бу сафар "бинафшаранглилар" 41-дақиқада Мойзе Киннинг голи эвазига "Торино"дан устун келишди (1:0).
Флоренцияликлар А Сериянинг кетма-кет тўртта меҳмондаги ўйинида дарвозаси дахлсизлигини сақлаб қолишга муваффақ бўлишди - буни жамоа 2007 йилдан бери уддалай олмаган (кетма-кет бешта меҳмонда гол ўтказиб юбормаган). Ҳаммаси бўлиб, бу атиги уч марта содир бўлди - биринчи ҳолат 1966 йилга тўғри келади.
Жорий мавсум бошидан буён "Фиорентина" дарвозасини А Сериянинг 8 учрашувида атиги 6 та гол ўтказиб юборган Давид де Хеа ҳимоя қилмоқда.
