"Барселона" вингери Ламин Ямал жамоадаги 50-учрашувини ўтказди.
17 ёшли футболчи учун 50-ўйин якшанба кунги "Эспаньол"га қарши ўйин бўлди ва у 3:1 ҳисобидаги ғалаба билан якунланди. Ёш испаниялик дербида битта голли узатмани амалга оширди. Шундай қилиб, Ямал барча мусобақаларда "Барселона" асосий жамоаси учун дастлабки 50 ўйинда 24 та самарали ҳаракатга эга (10 та гол ва 14 та голли узатма). Лионель Месси ўзининг дастлабки 50 та ўйинини 25 очко (21 гол ва 4 голли узатма) билан якунлаган.
Шуни таъкидлаш керакки, аргентиналик футболчи "кўк-анорранглилар" таркибига илк қадамларини 17 ёшида қўйган бўлса, Ямал 15 ёшида дебют қилган.
