Англиялик собиқ футболчи Жейми Реднапп яна «Манчестер Юнайтед» ўйинини танқид қилди.
Руд ван Нистелрой шогирдлари якшанба куни «Челси» билан 1:1 ҳисобида дуранг ўйнади. «Қизил иблислар» вақтинчалик мураббий қўл остида яна иккита ўйин ўтказади, шундан сўнг бу лавозимни Лиссабоннинг «Спортинг» клуби ишлаётган Рубен Аморим эгаллайди.
«Бу майхонадаги ўйинга ўхшарди. Буни томоша қилиш қийин», деди Реднапп "Sky Sports" телеканалида.
«Юнайтед» сафидаги баъзилар яхши ўйинчилар эмасми ёки уларда ишонч етишмайдими, билмайман. Аморим кўп нарсани ўзгартириши керак, баъзилари кетиши керак бўлади», - дейди собиқ англиялик ярим ҳимоячи.
