Диего Симеоненинг ўғли Жанлука ирқчиликда айбланмоқда.
RMC Sport нашрининг хабар беришича, Испания 3-лигаси вакили "Райо Махадаонда" жамоасида ўйнаётган Жанлука Симеоне ўйин вақтида гвадалахаралик футболчини ирқий ҳақорат қилган.
Ҳакам хулосасига кўра, 95-дақиқада "Гвадалахара" футболчиси Хулио Мартинес унга Симеоне гўёки уни "қора танли" ва "маймун" деб атаганидан шикоят қилган. Шундан сўнг ўйин икки дақиқага тўхтатилди, бироқ Жанлука унинг сўзларини ҳакамлар эшитмагани учун карточка олмади.
Кейинчалик аргентиналикнинг ўзи ирқчиликдаги айбловларни рад этди.
"Ўйин бўйича ҳакамнинг ҳисоботи билан танишиб, менга қарши айтилган айбловлар ҳақиқатга тўғри келмаслигини аниқ айтмоқчиман. Мен ҳеч қачон ирқчи баёнотлар ёки кимнидир ҳақорат қилмайман" - деб ёзган Жанлука ижтимоий тармоқда.
